搵人仔唔輕鬆　吳卓羲：依家自負盈虧

藝人吳卓羲出席慈善行活動，他透露凌晨在杭州回港。問到現在主力搵輕鬆錢？他說：「唔輕鬆，周圍飛，知道個市唔好，做多啲，依家自負盈虧，努力搵錢，想有突破。」

他又謂離開無綫後多電影拍，明年都有電影同劇拍。提到昨日的《TVB馬來西亞星光薈萃頒獎典禮2016》，之後的頒獎禮會都會少見他？他表示有收看，看將來有沒有機會參與。

大讚展鵬定欣

至於陳展鵬及胡定欣憑《城寨英雄》奪視帝、視后，他表示沒有看該劇集因為當時不在香港，更直言套戲有打鬧場面，獎項得來不易。他更大讚二人：「定欣由細一齊演大，由《衝上雲霄》開始，識於年輕時。」

「舊嘅唔去，新嘅點嚟」

至於被問到會否覺得無綫青黃不接？他說：「公司需要時間，有經驗磨合，舊嘅唔去，新嘅點嚟，TVB畀好多機會新人，唔使成日都係林峯同吳卓羲。有好角色都係接棒因素，新人跟前輩合作會有進步。」他表示當年都是跟吳鎮宇同劉松仁學嘢。