汪明荃撐粤劇日　熱到標汗

資深藝人汪明荃（Liza）現身尖沙咀文化中心為「粤劇日2016」擔任主禮嘉賓，由於陽光普照，在烈日當空下Liza不斷拭汗，而且見穿上戲劇服裝的小孩感不適，為該名小孩整理戲服及按摩。

訪問時，Liza表示參與粤劇日已超過十年，問到老公羅家英為何不一同前來？她表示羅家英有另一活動要出席，各有各忙。對於今年開設普通話及英語導賞團，她表示概念非常好：「依家學生要學中文同英文，而且外國遊客嚟到香港都可以對本土文化有更多認識。（有冇外國朋友鍾意睇粤劇？）有，依家好多都有中、英文字幕，油麻地（戲院）都有，未必每句都有，會寫大概嘅內容。」談到仍興建中的西九龍戲曲中心，Liza指預計中心將於2018年9或10月正式演出，問到她會否打頭陣時，她謙虛說：「未到我啦，好多叻過我嘅人。」