林峯拍劇剃光頭　千語：想像唔到個樣

藝人吳千語出席慈善晚宴，她表示與男友林峯去完日本後重了一公斤，又講覺得好難得，她說：「我日日食，食兩餐晚餐，火鍋後就食意粉，佢有食，睇我食。（依家幾重？）46、47公斤。」

提到在機場被影到零交流？千語澄清：「嗰刻冇講嘢，日日都對住，乜都講完。」提到林峯現在杭州工作，問到男友12月8日生日如何過？她表示自己都要在北京拍戲，一同遊日已當了慶祝。問到送甚麼禮物？她表示：「好耐之前送咗畀佢，唔使咁急買，唔記得係乜，好似係運動衫同鞋。（有冇婚期？）太早，冇諗過。（佢想唔想？）佢覺得事業上工作先，依家大家都遲結婚生仔，30歲都唔叫遲，依家先23歲，20到尾先諗。」

提到林峯為拍大陸新劇要剃頭，問到會否怕男友頭髮生長問題？千語直言：「擔心佢凍，想像唔到佢個樣。（期待？）好似變第二個人。」問到會否送帽？她表示男友有好多帽子。問到是否老夫老妻，送禮不用看節日？她說：「係，今年佢都冇送生日禮物畀我，冇所謂，佢出去做嘢見到啱就會買畀我。（冇分時節？）係，依家冇呢啲心機做，一大班朋友聖誕節交換禮物就會，為佢就冇。（佢傷唔傷心？）唔會。」