周柏豪布吉秘娶拍拖十年圈外女友

啱啱過咗32歲生日嘅型男周柏豪，雖然一直對感情事甚為低調，估唔到佢唔單止對愛情，對結婚一事一樣勁低調。

五星級酒店行禮

同圈外女友Stephanie拍拖十年嘅佢，原來已經靜靜雞喺泰國布吉結咗婚，據知周柏豪好友連詩雅都有喺婚禮現場。雖然唔張揚，但唔代表「求其」，佢哋喺一間五星級酒店Aleenta Phuket Resort入面嘅一個靚沙灘度，舉行咗一個好浪漫嘅婚禮。

喺一大班親友嘅見證下，柏豪同新娘子進行神聖嘅儀式，雖然現場好大風，但依然無損一對新人嘅雅興。喺儀式進行前緊張到磨拳擦掌嘅柏豪，完成儀式後，好肉緊咁一擁老婆入懷，嗰種煙靭，真係羨煞旁人呀！

周柏豪就結婚一事回覆《東網》：「感謝關心，我倆收到很多祝福和問候，而我一直也盡力去保護家人和朋友，好讓他們的生活盡量不被我而影響，感謝他們的體諒和支持。也感謝這十年來她對我的照顧和忍耐，那天的日落是我看過最好的，謝謝」

__________________________

想聽歌？想睇MTV？想了解本地Indie Band資訊

快啲click入「聲大夾樂」專頁： http://on.cc/musicon