去旅行靠黐　李蔓瑩日本畀人認出

模特兒李蔓瑩（Renee）參與ViuTV節目《旅行吊靴鬼》，但今次並不是典型旅遊節目，事前Renee冇行程冇預算，全程靠「白撞」黐住其他來自香港的旅客，絕對考EQ及口才！樣子可愛的Renee也多次食檸檬被拒，幸最後也完成使命，成功說服多位旅客，更有港人認得她而容許她玩埋一份，Renee說：「搵人畀我哋拍攝真係好辛苦，問廿個都冇一個肯，係好正常嘅，好開心我成功用個人魅力說服到兩Pair遊客，另外就有兩班人話認得我！首先個男仔原來喺網上有Follow開我，佢當時知我喺日本，之後仲咁啱真係喺搭火車撞到佢！另一班Uncle阿姨就認得我拍ViuTV，好好人畀我跟住玩！」Renee笑言每日都充滿笑料，跟不同人遊玩會擦出不同火花，而她最難忘是有機會探鹿仔、猴子、睇紅葉及拍攝馬拉松賽事。