黎明騷玩新嘢　雷頌德：準備得七七八八

音樂人雷頌德（Mark）出席論壇專題演講，問到會跟大家分享甚麼？他表示：「會講吓自己career，講音樂、設計工作點帶去香港business。（會講呢行辛酸史？）唔會，我哋主要都係展望，講娛樂事業、品牌事業係時候有啲改進，全世界好多事業都好多轉變，好似依家買音樂都唔同咗方式，所以我哋要諗啲方法去對應。」

講到工作，他透露忙於為黎明明年二月的戶外全企位演唱會準備：「其實呢個騷都係個新concept，做咗幾十年紅館，係時候畀觀眾新嘢，所以轉個場地、表演方式可以令成件事感受深啲，依家都準備得七七八八。（個騷同今年嗰個有冇唔同？）係成個唔同，係個全新rundown，同埋係music festival，黎生做第一晚，之後兩晚就搵咗外國歌手嚟表演，成個係新做法，雖然可能要take啲risk，但想畀觀眾新體驗。」

另外，講到周柏豪在泰國秘密結婚，跟柏豪從未合作過的Mark亦送上祝福：「恭喜佢，結婚代表個人成熟咗，係好事，佢係咪30頭？都係適婚年齡，恭喜佢。」

__________________________

想聽歌？想睇MTV？想了解本地Indie Band資訊

快啲click入「聲大夾樂」專頁： http://on.cc/musicon