《玄學星相》:解構娛圈鑽石王老五感情運

20161129
東網電視
更多新聞短片
想知古天樂(左起)、黎明同金城武嘅感情運係點?記得收睇最新一集《玄學星相》喇!
三大男神古天樂、金城武與黎明有樣又多金,貴為城中「荀盤」理應多人吼,但偏偏感情仲未有着落。《東網巨星》推出嘅節目《玄學星相》,最新一集邀得堪輿學家雲文子,以玄學角度為大家拆解呢班「鑽石王老五」嘅感情動向。
46歲古天樂高大威猛,吸金能力強勁,不過一直單身,點解靚仔都冇人吼?雲文子說:「佢嘅命格臨『白虎』,代表有權有勢,亦都代表外貌非凡,所以喺擇偶方面好有要求,左揀右揀一個完全合自己心意嘅對象,所以佢唔係冇人吼,只係比較揀擇。」雲文子仲指佢喺2017年桃花旺盛,有望呢兩年遇到好對象。
至於現年43歲嘅金城武感情狀態成謎,雲文子則分析:「卦象見到『六合』臨『空亡』,代表金城武依家有嘗試發展嘅對象,但大家對將來唔太肯定同冇信心。」問到單身嘅黎明幾時搵到真命天女?雲文子說:「佢可能已經有合眼緣嘅對象,但『夫妻宮』臨『天沖星』,所以佢都係未ready,要感情非常穩定先至會公開關係。」想繼續聽師傳點講?只要Click入《東網巨星》的「視娛樂」,睇《玄學星相》就更啱Feel!