李克勤經常忘詞 自嘲患腦退化症

20161204
東網電視
更多新聞短片
李克勤所有金錢都畀晒老婆,認真好老公。
李克勤以愛心慈善大使身份出席「高錕慈善基金」活動,同場還有患腦退化症的諾貝爾物理獎得主高錕教授,活動上克勤親手繪畫的T-SHIRT義賣。
克勤表示其90多歲的外婆患腦退化症:「同佢食飯,食咗幾道菜,佢就問點解冇蝦食,其實啱啱食咗,婆婆依家喺護老院,我哋都唔敢畀人知佢係我阿婆,怕佢被人呃,婆婆依家唔認得人。(你兩個囝囝認得嗎?)佢連我都唔認得,令身邊人好sad,但已經過咗最sad嘅階段,所以我想呼籲大家關注腦退化症及早預防。」
克勤又笑言自己也有腦退化徵狀,常會忘記歌詞,問可會忘記錢放在那裏?他說:「有老婆(盧淑儀)負責,我一返屋企就上繳,我要盡快忘記自己幾多歲,不過呢幾年唔會唔記得嘢,因為簽咗公司(英皇)好多嘢做。」
談及克勤本月6號就49歲生日,他說生日正日在無綫工作中度過,之後跟太太食飯過二人世界,而生日前一日就跟囝囝慶祝,問可想收甚麼生日禮物?他指囝囝多數「畫嘢」,跟太太老夫老妻不用再送禮物,至於生日願望,克勤說:「身體健康,香港少啲爭拗。(咩爭拗?)講完夠啦,我何得何能,不便發表意見。」