未有計劃結婚　梁嘉琪自言唔陪男友過聖誕

藝人梁嘉琪到大角咀出席活動，她謂今年聖誕將是她最開心的聖誕，她說：「今年係我入行以嚟，第一年聖誕、boxing day、除夕都有工作嘅一年，我好開心呀！（冇得同男友賀聖誕？）工作緊要！之前我仲去咗澳洲，同黃淑儀拍節目，我要煮埋一份，所以去之前都喺屋企煮咗來來去去嗰幾味餸好多好多次，男友都試咗好多次味！（同男友感情穩定，打風都打唔甩？）尚算未被人飛，仲係之前嗰個啦！我都有留意到近排圈中好多喜事，不過暫時未輪到我，或者等大家再儲吓人情先，隔開啲，等大家唔使畀『炸彈』炸得咁密！」