唔一定要震音 陳奕迅讚梁朝偉唱歌好聽

20161204
東網電視
更多新聞短片
Eason讚梁朝偉(圓圖)唱得幾好,仲話演戲好唱歌都好!
歌神陳奕迅(Eason)出席電影宣傳,透露戲中演失意歌手,不時被別人開解。問到現實生活可有開解太太徐濠縈(阿徐)?Eason笑指太太有女已萬事足。對於阿徐與何超儀的不和傳聞,Eason似不欲多談,他謂:「好耐啦,冇乜好講,都冇需要講,過去由得佢過去啦!」他又指在戲中與Angelababy(楊穎)不乏對手戲,更大讚對方有搞笑才能,表現不俗。
幫偉仔錄demo?
談到與影帝梁朝偉「一動一靜」,問到於片場是否主動撩他說話?Eason笑謂:「都冇乜點撩大家,大家都專注套戲度,反而拍完就熟絡咗,有傾吓,佢又鍾意聽歌,我又鍾意睇戲。(嘉玲話偉仔好大面子,搵到你幫佢錄電影歌曲demo!)其實嗰日因為我錄先,監製王家衛就話偉仔未到,不如我唱住先,佢都唱得幾好聽。(嘉玲話偉仔走音喎!)哈!嘉玲姐真係令大家好開心,其實偉仔都有翻唱我首《十年》,大家都錄咗好幾首,唔知最終會放邊啲落去。」
唱歌睇表情
Eason不諱言偉仔唱歌有感情,他謂:「演戲同唱歌都通嘅,一個演戲好嘅人,唱歌都會好嘅,唱歌唔一定要震音先叫有技巧,都講表情嘅,我依家聽音樂嘅水準係會留意個人嘅表情。」
__________________________
想聽歌?想睇MTV?想了解本地Indie Band資訊
快啲click入「聲大夾樂」專頁: http://on.cc/musicon