挑戰單車賽　任賢齊嗌陳嘉寶咪着底褲！

歌手任賢齊和陳嘉寶（Anjaylia）出席單車百萬行記者會，原本小齊和謝安琪（Kay）多年來都是活動大使，但Kay今年因懷有身孕，故今天未能現身支持。講到Anjaylia首次參賽，Anjaylia說可以與小齊哥一齊踩單車兼做慈善感到很開心。問到會否踩13公里全程？她謂要視乎練習進度才決定，不敢「下巴輕輕」。而小齊表示平時都可以踩幾百公里，所以13公里可以踩多幾轉。另外，小齊亦向Anjaylia分享心得：「慢慢踩，一次過太急會頂唔住，Pat Pat會痛。（男人最痛？）女人都會痛，尾龍骨位加上啲單車位好細，坐到好痛。」

自爆試過着女人絲襪

小齊更直言：「唔好着底褲，尤其係女仔，有個車隊朋友同我講，有個女仔平時單車褲入面着T-back，佢不停踩，不停磨擦到，佢後尾都踩唔到好痛。」小齊很認真望着 Anjaylia說：「真係要唔着底褲，唔係講笑㗎。」問到小齊是否都是真空上陣？他謂：「我都冇着㗎，以前當兵時『燒襠』（意指胯下因大腿內側與陰囊，兩者皮膚之間不斷地摩擦所致，引起皮膚腫痛，甚至破皮疼痛的現象），所以嗰時會着女性絲襪，怕磨損大髀內側。呢啲係一啲秘訣嚟，我哋唔係變態，但真係要着，唔係就愈行雙腳愈開。依家年代就好好，有男士leggings可以着。」

對於不着底褲，Anjaylia似未能接受，她謂：「咁刺激呀？真係第一次聽，我唔知呀！（會唔會考慮呢個提議？）小齊哥咁樣講得，正路要效法一下。」而小齊表示這個就是踩單車的最大考驗。

早知蘇永康一索得男

另講到蘇永康將做老竇，小齊稱很早已知道，又表現他是個口密的人，因為中國傳統懷孕未過三個月怕BB小器，所以之前未有對外透露阿康的喜訊。他又謂可以和阿康分享湊仔心得。

__________________________

想聽歌？想睇MTV？想了解本地Indie Band資訊

快啲click入「聲大夾樂」專頁： http://on.cc/musicon