正所謂「人生有幾多個十年」，當日嘅小女孩已經變人妻人母，講緊嘅咪就係楊怡同鍾嘉欣！佢哋兩位花旦8、9年前曾合拍過兩輯《溏心風暴》，感情相當好，如今佢哋都各自結咗婚，嘉欣仲生埋囡囡，不過佢哋兩個大婚之時，雙方都未能到賀，但係唔緊要，楊怡呢日就話佢哋終於見面喇！

楊怡喺微博上載咗同嘉欣兩母女嘅合照，佢哋都戴上眼鏡不過都係咁靚！而今次都唔見B女嘅樣，佢留言：「温（溫）馨幸福的晚上，終於見到漂亮的媽媽鍾嘉欣和可愛的Kelly B，人生路上真的很奇妙，一轉眼，我們已不再是小女孩，小生命就是歲月的見証（證）Love u My dearest friend！」唔知係咪第一次見Kelly呢？佢仲打咗好多個心心同怕醜公仔，可想而知，佢係幾咁興奮呀！

__________________________

想聽歌？想睇MTV？想了解本地Indie Band資訊

快啲click入「聲大夾樂」專頁： http://on.cc/musicon