藝人胡杏兒出席朱古力活動，她表示年尾有好多節日，而12月28號是二人結婚周年，已經送了手錶給老公，她說：「佢送咗聖誕樹畀我，我同奶奶一齊布置。（幾時休息？）今晚都要去西安拍劇，聖誕節未知放唔放到假，但今年第1年結婚周年紀念就請咗假，留喺香港過，結婚間酒店會請我哋食飯。」

問到生B計劃何時會有好消息？杏兒表示要明年3月拍完劇後。提到有否向好友鍾嘉欣取經？她表示：「唔使問佢已經滔滔不絕，做媽咪辛苦，有苦有樂，佢叫我到時再問佢，做我顧問。（問生仔秘笈？）佢得湊B秘笈。（生仔緊要啲？）未試呀，搞唔掂先至問佢，身邊好多人可以問。」她表示生B要隨緣會盡力。問到是否大壓力？她表示每次都想有好消息講。