視后投定欣？陳展鵬：睇佢識唔識做啦！

今年已連奪馬來西亞及新加坡兩個視帝的陳展鵬狀態甚勇，大有機會再奪台慶視帝完成「大滿貫」。展鵬雖然近排日夜顛倒忙於拍攝劇集《同盟》，但他仍抽空出席無綫於電視廣播城舉行的《TVB職藝員聯歡晚宴2016》，不過拉票時他比較低調，問到為何如此低調？剛工作完趕來的展鵬謂：「係呀！我個人比較低調。（對奪視帝有信心？）今年比往年開心，但平常心，希望愈大失望愈大，做好自己，攞唔到咪再努力囉！（視帝投自己？）唔係喎，我反而會投黎耀祥，因為一年拍幾套劇，要拍出嚟已經唔同唔容易。（視后投胡定欣？）都係，好朋友情意結，今年都應該係佢㗎嘞！我心目中都係揀佢。（到時真係會投畀佢？）睇吓佢識唔識做，會唔會請食飯啦！我上年已經開始投佢。」

__________________________

想聽歌？想睇MTV？想了解本地Indie Band資訊

快啲click入「聲大夾樂」專頁： http://on.cc/musicon