無綫劇集《幕後玩家》演員蕭正楠（Edwin）、黃翠如、孫慧雪、劉佩玥、龔嘉欣、陸永等齊齊到九龍城打邊爐睇劇集大結局。將出嫁的孫慧雪大讚蕭正楠與黃翠如有夫妻相，蕭正楠說：「雖然阿雪個未婚夫都係叫Edwin，但唔代表我又要差唔多結婚嘅，我哋大家都忙，翠如一陣又要返番去大陸拍劇，要多謝監製阿Joe。」黃翠如笑說：「喺套劇裏面我哋已經離埋婚，好痛苦、好傷心。佢每次睇到啲好慘嘅嘢，就會Send啲好衰嘅表情符號。」蕭正楠說：「證明佢演得好啫。」

原以為未能通過審查

講到《幕後玩家》大結局，於劇中做盡壞事的黃翠如，會惡人有惡報被劉佩玥狂捅三刀殺死，畫面相當血腥！事前口密不願劇透的蕭正楠說：「套劇都幾突破，最尾場戲係幾血腥，以為過唔到審查，但最後都過到。」

黃翠如戥李潤庭難過

談到李潤庭近日被踼爆背妻「偷食」，好友黃翠如說：「我都有睇報道，其實我都識李潤庭同佢嘅太太，件事有啲複雜，戥佢難過。相信當事人都好大壓力，希望佢哋可以好好處理。」蕭正楠說：「我哋都唔方便講太多，等佢哋好好處理。」

__________________________

想聽歌？想睇MTV？想了解本地Indie Band資訊

快啲click入「聲大夾樂」專頁： http://on.cc/musicon