東網電視
更多新聞短片
《致命復活》嘅幕後主腦真係令人諗爆頭！
1/5
藝人郭晉安（安仔）、黃德斌、萬綺雯及王浩信等到屯門黃金海岸，為劇集《致命復活》宣傳將於17日（星期六）晚上播出的大結局，眾人繼續口密，不肯透露綁架事件幕後真兇。安仔只肯有限度畀提示，他說：「我都望實咗德斌啦！（真兇係德斌？）總之到時可以見到德斌真正一面。（有信心攞視帝？）每個人都有付出努力，我想到時開心過一晚，即使有冇獎都好！（視帝嗰票投畀自己？）會同德斌互相投票畀對方！」
否認有個仔
德斌對於有網民表示他在節目《天與地》中只出現約2.5集，感覺不夠喉，德斌說：「我都唔夠喉，一早預咗成個節目得5集，但可以嘅話希望剪個長啲版本。（網民嫌節目中關於帶領登峰嘅專家交代得唔夠？）佢一早喺度，最重要係focus個過程，唔係結果。」提到昨日有報道指德斌拍拖十多年的女朋友Joyce，經常上載自己或德斌與BB的合照，暗指該小孩疑似德斌之子，德斌再次澄清：「之前都回應過，嗰個係朋友嘅小朋友。」
安仔（右）訪問時望實德斌（左），似乎有所暗示啵。
安仔自爆視帝嗰票會投畀德斌，而德斌嗰票就會投番畀安仔。
又話到時可以見到德斌真正一面㖭。
德斌又再次被指有個仔仔，但其實係朋友嘅小朋友嚟啫。
