【沒有最醜只有更醜】法拉教人化藝妓妝？

藝人陳法拉近年喺紐約醉心修讀戲劇，仲不時喺網上分享校園生活，等一班粉絲唔使心掛掛。唔知係咪去到外國人都輕鬆啲，法拉呢排密密晒醜相，完全唔顧自己嘅女神形象，晒開有鋪癮嘅佢今日又再嚟啦！

法拉喺Instagram上載化妝短片，一開頭畀個又pure又無暇嘅素顏樣大家睇，連素顏都咁靚，認真「屈機」！點知佢愈化愈奇怪，化上粗眉加「藝妓嘴」，之後仲畫埋皺紋扮老，唔少網友都畀佢呢個妝容嚇親，但都有人話眨眼睇有幾分似伍詠薇，唔知大家又覺得似唔似呢？