蔡康年為母校聖保羅出「聲」出力

藝人蔡康年到灣仔會展出席聖保羅書院165周年舊生晚宴，見到學長鄭丹瑞（阿旦），即表現雀躍，又幫手宣傳阿旦與周秀娜新戲，康年表示：「我係1986年中五畢業，我個仔依家讀緊聖保羅嘅小學部，今朝我都有帶佢嚟會場睇吓，感受吓個場面同氣氛，不過送咗佢返屋企，聽朝要返學。好開心學校165周年，可以同阿旦哥、雷宇揚一齊做司儀，我係第二次做，5年前嘅160周年，我都有做司儀，我哋呢啲有聲出聲，有力出力，有汗出汗啦！」