減少搵人仔!譚俊彥全力拍無綫劇

20161213
東網電視
更多新聞短片
譚俊彥話佢會減少內地工作,全力投入無綫工作。
藝人譚俊彥現身無綫,出席新劇《天命》造型活動,在新劇飾演皇帝的謂今早已剃頭,一直發展內地市場的他,被問為何突然拍無綫劇?他說:「都唔係突然,樂易玲兩年前已經搵過我,當時喺大陸工作,咁佢最近問我有冇興趣就拍。」他透露今次與無綫簽經理人約,未有講年期,又直認會減少內地工作,全力投入無綫工作。至於會否擔心收入減少?他謂有得有失,直言今次角色挑戰大,連早前在馬來西亞拍戲時都看《天命》的劇本。
留港陪囡囡
譚俊彥直認簽無綫是想留港工作多陪囡囡,他說:「佢依家歲半,跟媽咪多啲,依家識得嗌唔好,想抱佢都話唔好。」望留港工作可以有多點時間陪囡囡,笑指擔心剃頭會令囡囡認不出他。
至於可會想與爸爸狄龍齊拍無綫劇?他說:「唔好啦,咁辛苦,我喺馬來西亞就係同爸爸一齊拍,嗰時多咗時間同父母食飯。」
__________________________
想聽歌?想睇MTV?想了解本地Indie Band資訊
快啲click入「聲大夾樂」專頁: http://on.cc/musicon