鄧小巧黐缽仔糕驚跌：好冇安全感！

歌手鄧小巧舉行首張EP發布會，獲家人、藍奕邦、趙慧珊（Aka）、趙增熹、Robynn & Kendy等人到場支持。期間小巧唱出新碟歌曲，又獲楊千嬅、梁漢文、蘇永康拍片祝賀，令她大感驚喜，之後她又獲朋友送上寓意鞭策她進步的鞭、香檳及新碟的黑膠碟版本。

自爆成功出碟已喊多次

受訪時，講到等待七年終於出碟，小巧表示今日已經喊了多次：「第一下見到隻碟好感動，但最感動都係見到人哋攞住我隻碟。（你自己買咗幾多隻碟？）一隻，希望我啲朋友都起碼買一隻，有啲朋友都買成十隻。」問到她可會想為新碟出黑膠碟？她表示：「唔知呀，要做吓市場調查先，我從來都未擁有過一部黑膠唱碟機，如果有呢個機會都想。」

一星期食一次好西

問到會怎樣慶祝？她表示：「今晚會慶功，會全部嘢一次過慶功，對我嚟講，呢一日比任何頒獎典禮都重要。」講到她一直都減肥，問到成功出碟後可會讓自己放肆大吃？她謂：「其實我一直都有放肆，一星期都有畀自己食一餐好。」講到她在台上自爆驚「缽仔糕」會跌，她解釋：「因為stylist話呢套衫冇乜胸先至好睇，所以就要黐平時冇乜點用嘅道具，冇乜安全感。（第一次着缽仔糕？）好少用，驚出汗會跌，條裙又直落。」

減肥致上圍縮水

問到鄧小巧正在減肥，上圍可有縮水？她坦言細了一個cup：「實際幾多唔講啦，但正常嘅。（寧願瘦定要身材？）當然想兩樣都要，但冇乜可能。」至於講到頒獎禮，她坦言：「人哋對我好有信心，但我就平常心。啲朋友幫我搵定衫，我就冇乜緊張，反而公司提番我要諗定講咩。」

__________________________

想聽歌？想睇MTV？想了解本地Indie Band資訊

快啲click入「聲大夾樂」專頁： http://on.cc/musicon