為洗面奶設計香味　何弘軒自爆聞到壞鼻

歌手何弘軒（Alan）到尖沙咀出席美容品牌活動，他透露首次為洗面奶設計香味：「都幾得意，有成千隻味畀我揀同調配，我就mix and match。開頭咩味都試，聞到我個鼻都壞晒，之後已經唔知自己聞咗乜嘢。」他指今次調配了男女合用的葡萄、花及草味：「我揀咗成日，都幾好玩，好似煮餸咁。（點解搵你？）本身佢哋叫我設計特別版包裝，但係我冇讀過design，好似冇乜信心，香味唔死得吖嘛！」問到是否可以免費用洗面奶？Alan笑言首批已賣完，但一支也沒留給他。

望與黎明見面聽金句

提到最近派了新歌《絕地反彈》，他自言成績ok，但對頒獎禮就零信心，會以陪坐心態出席，當看騷和見朋友：「做咗好多唔同類型嘅嘢，有廣告、旅遊特輯，今年又派咗兩隻歌，依家籌備緊新EP。都幾滿意今年成績，有冇獎都冇乜所謂。」至於出席頒獎禮時，他就最想有機會見到黎明（Leon）：「因為細個（合作）之後我冇再見過佢，都想同佢say個hello，再聽吓佢嘅金句，佢最近又有爆金句，我都有留意。」Alan估計對方會記得自己，因為跟Leon合唱過的小朋友不多，連Leon的歌迷都記得：「佢哋like咗我fans page，有啲仲做咗我fans。」

轉攻拍鬼片

提到聖誕，他直言香港比較靜，因此將會到內地登台：「呢一、兩個月開始上內地宣傳，同埋傾緊一個網劇，應該下年年中開拍。（同邊個合作？）未知，但係鬼片、驚憟片。我怕鬼㗎，可能拍完之後唔驚。」

__________________________

想聽歌？想睇MTV？想了解本地Indie Band資訊

快啲click入「聲大夾樂」專頁： http://on.cc/musicon