網傳拎視帝？王浩信自爆諗定上台講乜嘢

無綫藝人王浩信憑《EU超時任務》圍村村長「渠頭」一角角逐無綫台慶視帝獎項，而網上亦流傳一份台慶得獎名單，指此劇中的浩信與朱千雪分別奪得視帝、視后獎項。

而浩信現時正忙於日夜為劇集《踩過界》開工，對此，他接受東網訪問時謂：「呢啲都係人為，不過人為嘅嘢，佢係為咗我我都好多謝佢哋，見到阿雪攞視后都戥佢開心，因為講真佢經驗唔係好豐富，但佢觀眾緣好幫到手，希望多啲觀眾支持佢。」說到網民撐自己，會否打了一支強心針，浩信謂：「咁我都諗定上台要講乜嘢嘅，信心一定要有，都先多謝投咗我一票嘅朋友，結果係點唔好諗咁多，你問我期唔期待，我當然期待，都期待參與一年一度盛事。」而浩信之前與太太齊齊搵真銀，夫妻檔現身公開活動，二人長做長有，之後於除夕夜又會齊齊拍拖做跨年騷，實行齊齊紅到明年。

__________________________

想聽歌？想睇MTV？想了解本地Indie Band資訊

快啲click入「聲大夾樂」專頁： http://on.cc/musicon