【三子讀史丹福】陳美齡阿仔冇人鍾意？

藝人陳美齡出席講座活動，透露今次很開心，有不同年紀及職業的人來分享經歷：「其中曾繁光醫生嘅太太原來係日本人，佢當年仲差唔多唔做醫生而去追佢，但佢太太鼓勵佢讀書。」問到她不介意三個兒子讀書時拍拖？她笑言：「拍到發晒燒?啦，由中學開始拍，鍾意人係唔可以停，唔畀佢哋拍會好苦惱，其實戀愛令人學到好多嘢，係好事。」

「難得有人會鍾意」

陳美齡三個兒子都成功考入美國史丹福大學，問到她曾否不滿意兒子的女朋友？她表示：「直至依家都未有一個我係完全反對，有時我係會比較吓，但冇完全反對。（過你關唔難？）我好水皮，比起我啲朋友，我呢關容易過到不得了，覺得鍾意我個仔我好感恩，好難得有人會鍾意。（你個仔咁叻，大把人鍾意？）有得咁嘅咩？世界上咁多人畢業哈佛，好難碰到真心鍾意嘅人。」

恨抱孫唔會催婚

她亦謂不會向兒子催婚：「雖然我恨抱孫，但我唔敢逼佢哋，因為當年媽媽畀好大壓力我好痛苦，驚為咗媽咪會選擇唔正確，所以我唔敢講。」講到她曾出書講教仔，她很開心銷量很好，而下年就有意出本自傳。