【胸壓全場】劉佩玥晒線硬撼深V蔡思貝

在台慶頒獎禮中有份角逐「飛躍進步女藝員」和「最佳女配角」的劉佩玥（Moon），與黃翠如手拖手行星光大道。Moon身穿白色薄紗Deep V公主裙，輕露4吋事業線，不費吹灰之力便將身旁密實的翠如擊倒！

劉佩玥「胸」贏黃翠如

Moon被取笑贏晒，她即謂：「大家都唔同，原先都唔知同邊個一齊行，喺化妝間見到翠如時問佢着咩色，佢話白色，咁佢係我拍檔，心靈相通！今次呢條公主裙係最後一次着，下次就想着得型格啲！（揀性感裙？）今次唔算最性感一條，係我自己揀，另一套就大個啲。（大個啲？）係成熟啲，唔係嗰隻（胸）大！」

今晚Moon配戴由英皇珠寶贊助超過600萬港元鑽飾，問是否最名貴一次？她說：「之前都試過，今次套鑽飾好夾條裙。（終極性感？）唔係，睇場合啦！再性感啲，要年紀大啲著先好睇！」

蔡思貝Deep V落肚臍

至於蔡思貝則與楊明結伴行紅地氈，穿上大Deep V的思貝影合照時插袋，楊明則翹住思貝的手，甫士十分有趣！蔡思貝指自己今晚抱恙上陣，她謂：「我有支氣管炎，之前哮喘已經斷咗尾，但近期又翻發。（咁仲着得咁性感？）咁唔通樽領咩？之前已經借咗。（係咪分咗手，所以衣着上大解放？）我不嬲都冇限制，只要靚就得。（個V開到落肚臍度？）我嘅肚臍好低，睇吓乜嘢場合着乜嘢衫，都唔係晒身材，只係要有型。」

__________________________

想聽歌？想睇MTV？想了解本地Indie Band資訊

快啲click入「聲大夾樂」專頁： http://on.cc/musicon