幾時再拍劇？子珊：等緊有挑戰性嘅角色

藝人徐子珊應邀出席港鐵抽獎活動。子珊23日將出發到美國芝加哥，準備聖誕日登台，不過據聞當地正大風雪，令她有點擔心：「驚航班問題，嗰度依家積雪成6吋，又擔心太凍啲觀眾唔嚟睇，話晒我都準備咗成個月㗎！」

子珊指登台後又要趕返，事關除夕要出席深圳大型倒數活動。當被指過肥年時，她笑答：「都要做嘢嘅。（幾時拍番嘢？）話晒咁耐冇拍，想等有挑戰性同新鮮嘅角色。（無綫搵你？）之前係有一部，不過時間配合唔到。」