港姐出身的麥明詩「處女下海」接拍的電影舉行首映，無綫高層樂易玲率領一班同是港姐兼師姐包括朱千雪、陳庭欣及岑杏賢等力撐師妹。岑杏賢甫現身再被追問前男友袁偉豪在無綫台慶頒獎禮上公開多謝她，岑杏賢謂：「每個得獎者嘅感言我都覺得感動嘅，當然身為佢嘅一位朋友，我都戥佢開心。」

訪問期間岑杏賢似不欲多談這段已逝去的感情，又謂聖誕只會跟家人度過。問到倘若袁偉豪致電約她？她坦言：「朋友打畀我唔會唔聽嘅，但佢咁忙！其實依家我哋咁相處幾舒服，有傾有講有聯絡。（真係唔再畀機會對方？）呢個問題問得好好，因為我都有問過自己，究竟畀幾多次機會先至叫做夠，機會我畀咗好多次，當一段關係失去咗信任，以朋友嘅方式相處會好啲。我明白大家關心我哋，亦好想我哋復合，但兩個人嘅事只有我哋兩個最清楚。」她又指自己與袁偉豪分手至今一個月，需要時間去適應：「希望大家真係畀啲空間我哋啦。」

__________________________

想聽歌？想睇MTV？想了解本地Indie Band資訊

快啲click入「聲大夾樂」專頁： http://on.cc/musicon