明福俠「翻生」 　奇字賀冬至兼聖誕

天王黎明（Leon）化身做明福俠，令到明福俠喺網絡上一炮而紅，不過Leon之前講過明福俠會離開大家，好彩只係講吓啫，Leon仲趁住冬至同聖誕節，整咗個特別企劃，拍咗條片大玩同音字，例如條片個名叫「冬至馬脷quit時麻士」，即冬至「冬至Merry Christmas」。

咁都未夠，條片一開始，明福俠就露出靚仔真身，仲話「毋阻箇投規（無咗個頭盔）」，「D投法猓莚瑪尚瘭翻曬齣犁（啲頭髮馬上標番哂出嚟」，仲讚自己啲頭髮好似「爺霖（椰林）」、「心霖（森林）」咁多，只可以講明福俠真係好有創意！

之後明福俠覺得Pat Pat個烙印好痛，決定飲番支凍奶，飲完覺得冇咁痛，點知發現自己唔記得哂啲嘢，但仲有心情唱歌：「璦士枺鳴痔虳迺（愛是沒名字的奶）」又唱：「樓吸姐細尚毛鳴痔虳猗（留給這世上無名字的你）」最後明福俠發現自己突然唔記得嘢，原來係飲咗「枺鳴痔虳迺」，即是沒名字的奶！