周麗淇派檸檬 馬國明唔介意:我收貨

20161222
東網電視
更多新聞短片
在活動上你一言我一語,馬國明搞到周麗淇勁冧!
藝人馬國明和周麗淇在粉嶺出席無綫劇《流氓皇帝》之「相逢是有緣」活動,與耆英玩遊戲及吃齋菜。首次為該劇宣傳的周麗淇見到老拍檔馬國明時即互寸,取笑他買樓:「個個都知!」而馬國明就指公開程度高到有粉絲直接寄信到其寓所管理處:「管理處就寄返畀我!」問周麗淇會否登門拜訪?她指此舉只會令其母「傷心」:「會話我又煲冇米粥!」擺明向馬國明派檸檬。而馬國明即謂:「唔緊要!我由細到大最鍾意飲檸檬茶㗎喇!」周麗淇問:「使唔使加糖?」並笑言會好好考慮對方,非常搞笑!
提到劇集剪輯後得17集,馬國明即謂:「秋官(鄭少秋)都係得十幾集咋嘛!」周麗淇認為貴精不貴多:「韓劇咪又係十幾集!」提到收視理想,周麗淇指馬國明應該請食飯,而馬國明竟說:「你搵咁多人仔,仲講?你先快啲請食飯!」當講到收視高如何答謝觀眾時,周麗淇表示扮得靚靚怕冇人收貨,令馬國明即謂:「點會唔收貨,我收貨!」勁口花花。
__________________________
想聽歌?想睇MTV?想了解本地Indie Band資訊
快啲click入「聲大夾樂」專頁: http://on.cc/musicon