努力減磅!張敬軒王菀之為演唱會戒口

20161229
東網電視
更多新聞短片
張敬軒X王菀之,正!
歌手張敬軒(軒仔)與好友王菀之(Ivana)將於明年二月舉行首個合體演唱會,兩人為迎接2017年特別抽空拍攝賀年相,兩人齊聲祝願大家身體健康及新年快樂,Ivana說:「最重要都係身體健康,人人新開始,人人有新希望。」軒仔則說:「我認為2017年將會係好好嘅一年,大家事業同愛情都好開心,社會氣氛好好。」
互窒火花四濺
近日忙於為個唱作準備的軒仔及Ivana透露籌備進度時一唱一和及互窒,Ivana說:「我哋準備得如火如荼。」抵死的軒仔插嘴笑說:「籌備得『如火如茶』,慢慢有晒成個演唱會喺個腦入面。」搞笑的Ivana說:「係呀,淨係喺個腦入面咋。」軒仔說:「我哋會用魔法將佢變成一個實在嘅表演,一次滿足觀眾3個願望,好聽、好睇、好抵睇。」
努力抵抗美食誘惑
兩人除了練歌及排舞,更要努力減肥,兩人異口同聲表示「減肥」是最高難度,Ivana揚言簡直是她人生最大挑戰,軒仔說:「公司每日都為我哋準備豐富餐單,包括烚雞柳同青菜。」Ivana偷笑說:「嘻嘻,因為我鍾意煮嘢食,為自己設計餐單,所以我唔係食呢啲。」軒仔沒好氣說:「最大挑戰係開騷前面臨好多考驗,包括冬至、聖誕節、新年、農曆新年同情人節,好多美食嘅大節日。」Ivana說:「呢啲都係我好愛嘅美食節日,不過我哋有跳舞,幫助消脂。」
__________________________
想聽歌?想睇MTV?想了解本地Indie Band資訊
快啲click入「聲大夾樂」專頁: http://on.cc/musicon