晒床照！吳若希要求男友換大床

歌手吳若希（Jinny）宣布懷孕之後就停工專心養胎，早前Jinny喺社交網留言投訢男友Alex發燒唔肯去睇醫生，Jinny最擔心男友會將病菌傳染畀佢，仲笑言要話「離家出走」，之後就廿四孝女友上身買咗七千幾蚊藥畀男友，仲自己讚自己好貼心添，咁恩愛真係要戴住副超先好睇Jinny社交網呀！

而今日，Jinny又更新Instagram上載咗張「床照」，留言話：「一張床，明明得兩個人訓（瞓），但係要三個枕頭，你明唔明點解？依家仲要多個#David～」之後仲加上「可唔可以換張大床」嘅tag，當眾向男友要求換大床！不過Alex咁錫Jinny，實會滿足Jinny要求嘅！