YOSHIKI取消開騷　雨僑羅力威嗌失望

日本殿堂級樂隊X JAPAN隊長YOSHIKI原定今晚在香港亞洲國際博覽館開騷，因技術同牌照問題臨時取消演出，並90度鞠躬道歉。

身為歌迷的歌手雨僑與男友羅力威齊齊捧場，對於偶像個唱臨時取消，雨僑直認感失望，她說：「我係搭緊車入去，有朋友到咗話已經告示話取消，我就即刻折返，折返一半時YOSHIKI喺Facebook話唔會取消，所以又搭返車入去，之後一直企到九點半就出嚟宣布取消。」打扮靚靚的雨僑說：「勁傷心，着到去飲咁樣，只係望到佢一眼。」至於大會宣布歌迷明天可以憑票帶同一位朋友參加音樂會，但同行的朋友要坐增設位，問到明天會否再捧場？雨僑說：「佢做乜都接受，如果聽晚真係搞得成，我一定仆住去。」而羅力威坦言感失望，問到明天會否再捧場？他說：「都會嘅，不過開得成先啦，希望有得睇。」