無綫熱播劇《巾幗梟雄之諜血長天》劇情又有新發展，今晚就會講到胡杏兒遇番精神錯亂嘅蕭正楠並救對方走出困境。

上身冇着衫嘅蕭正楠一醒番就話肚餓，而胡杏兒就整咗碗粥畀佢食，點知蕭正楠一望到女方個心口就獸性大發，推到佢瞓喺枱之餘仲用手勒住胡杏兒條頸，想就地強暴佢！好在蕭正楠一望到跌喺地下嘅草織草蜢就清醒番晒，仲同胡杏兒講自己仲好愛佢。之後胡杏兒就見到蕭正楠咁慘，完全冇理由對方仲係成口粥，就同佢激吻，仲開始「肉搏」並發生關係！

不過事後，心裏有黎耀祥嘅胡杏兒就覺得好後悔自己同蕭正楠上床，見番黎耀祥時仲喊晒口話自己好污糟，自覺冇資格再愛對方，而黎耀祥最後就當眾向女方求婚，令她感動不已並應承結婚。

__________________________

想聽歌？想睇MTV？想了解本地Indie Band資訊

快啲click入「聲大夾樂」專頁： http://on.cc/musicon