師奶也瘋狂！黎明現身倒數　粉絲起勢摸

天王黎明（Leon）破天荒首次擔任倒數嘉賓，收重酬空降東港城「CHEERS TO 2017 COUNTDOWN PARTY」！東網巨星fb更直播此盛事！

究竟黎明會否以「明福俠」現身？答案是沒有的！黎明於11：52分到場，他只是很簡單的穿上黑色外套及牛仔褲現身！黎明一現身，一堆粉絲即時高聲尖叫，師奶們亦陷入瘋狂狀態，起勢摸Leon，過足手癮！而Leon亦十分親民，不停和粉絲握手。

諗起張曼玉

黎明上到台上即報時，他說：「大家好我依家係11：55分，2016年12月31號大家好！」 Leon於台上更自爆在將軍澳有一段難忘回憶，他謂：「覺得好開心，原因係唔知大家有冇印象，我同張曼玉拍嗰套《甜蜜蜜》其中有一場，係講我哋排隊買樓，當時呢到仲未有建築物，由零開始到依家，呢度有好多食肆，所以係緣份帶我再嚟呢度。」

現身九分鐘

之後Leon與台上眾人大合照，當記者叫Leon退後一點時，Leon即晒天王獨特見解：「退後啲冇用㗎，大家逼埋一齊啦！」隨即Leon就即時踎低，前排的人亦跟Leon蹲下來拍照。合照完後，便開始為迎接2017年進行倒數，當大鐘踏入零時零分後，Leon說：「2017年所有朋友開開心心，健健康康，家在香港嘅朋友，為咗自己工作理想衝刺，祝大家順利無比！」之後Leon與現場嘉賓祝酒，之後便匆匆落台閃人，而Leon由現身至速閃一刻只得9分鐘。

__________________________

想聽歌？想睇MTV？想了解本地Indie Band資訊

快啲click入「聲大夾樂」專頁： http://on.cc/musicon