【吸金最強】黎明快閃9分鐘執百萬！

每年除夕倒數活動都是中港台藝人顯示其「吸金力」的最好時刻，近年內地電視台不惜以天價邀請巨星在跨年倒數節目中演出。不過天王黎明今年竟捨棄吸「人仔」機會，破天荒首度擔任倒數嘉賓，出席「CHEERS TO 2017 COUNTDOWN PARTY」，吸引逾千人前晚逼爆將軍澳的東港城商場。

任粉絲摸唔嬲

Leon前晚11時52分出場，他沒以「明福俠」造型出現，亦冇隆重打扮，只穿上黑色外套及牛仔褲現身。現場逾千粉絲及市民即時進入瘋狂狀態，高聲尖叫嗌「Leon」，Leon在會場的中間通道走上舞台，兩旁粉絲乘機伸手摸他，而Leon亦十分親民，不停和粉絲握手。Leon上到台即報時說：「大家好，我依家係11 時52分，2016年12月31號大家好！」之後他自爆在將軍澳的難忘回憶，指當年他與張曼玉拍電影《甜蜜蜜》時，商場還是空地。

大會安排三名得獎歌迷上台與Leon合照，他又聯同歌手鄭俊弘、劉佩玥及新鴻基地產代理有限公司租務部總經理鍾秀蓮等嘉賓分兩排大合照，記者叫Leon退後一點時，他即發表天王獨特見解：「退後啲冇用㗎， 大家逼埋一齊啦！」隨即踎低，前排的嘉賓亦跟着蹲下拍照。

眾嘉賓合照後為迎接2017年進行倒數，當大鐘踏入零時零分，Leon說：「2017年所有朋友開開心心，健健康康，家在香港嘅朋友，為咗自己工作理想衝刺， 祝大家順利無比！」Leon與嘉賓祝酒後隨即匆匆落台閃人，由他現身至速閃一刻只得9分鐘。至於這9分鐘時間，Leon酬勞穩袋7位數，以每分鐘計就賺十多萬，不用唱歌、跳舞，亦沒花錢造型，就「順利無比」袋百萬， Leon果然「吸金最強」！

蔡依林澳門搵銀

至於台灣天后張惠妹可說是「吸金歌后」，日前到深圳為浙江衞視預錄的跨年節目，歌酬有約390萬港幣，成兩岸跨年單場女歌手之冠，不過，阿妹又跳又唱多首作品，儼如演唱會般演出。反觀王菲在上海為跨年節目錄影，只唱兩首歌就收一百一十一萬港幣歌酬。另一台灣天后Jolin則赴澳門參與江蘇衞視直播的除夕跨年騷，收約334萬港幣，同樣犀利，而台灣亦有舉行大型跨年晚會，有「鎮台之寶」之稱的蕭敬騰吸金約96萬港幣，成為台灣男吸金王。

__________________________

想聽歌？想睇MTV？想了解本地Indie Band資訊

快啲click入「聲大夾樂」專頁： http://on.cc/musicon