叱咤：軒仔呼喚周柏豪周國賢藍奕邦回歸

叱咤男歌手金獎由張敬軒奪得，佢話：「每一年坐喺下面都有好多感受，每次都諗番起啱啱嚟香港嘅感受，柏豪講過，好多歌手一行一行咁坐上嚟，觀眾覺得係知名度上升，好多人會覺得係地位嘅肯定，自己覺得愈坐得前，責任愈大，要對樂壇，後輩起一個點嘅作用。」

佢又話：「忘我不忘本，咁多年嚟我嘅生活一直係加法；但從今年開始生活，會減番到2002年，啱啱到香港鍾意做音樂嘅我。喺黃偉文身上見到傳承，樂壇唔單係要一枝獨秀，係要百花齊放。」

最後軒仔公開表示希望周國賢、藍奕邦同埋柏豪返嚟樂壇一齊玩。