叱咤：軒仔以為Eason攞金 撐吳業坤夠人氣

張敬軒冧莊奪得「叱咤男歌手金獎」，他在叱咤慶功上表示好開心，他覺得今晚頒獎禮安排好好，由於男歌手宣布得獎時，由金獎先頒，他說：「個人都定啲，我真係諗住自己攞銀或銅，本身冇呢個期望，（你心目中諗邊個拎金？）Eason，不嬲佢啲歌呼聲都係高。」對「叱咤我最喜愛男歌手」一直傳陳柏宇有機會，如今吳業坤冧莊，軒仔說：「我覺得阿坤攞都好，每年投票結果都係surprise嘅，（覺唔覺得又送坤坤一程？）唔會，阿坤人氣一路都好好，真係睇數據投票，我自己當年攞都好開心架，我都戥佢開心！」

要Keep水準好難

軒仔覺得坤坤今年壓力都好大，因為坤坤是去年大贏家，他說：「你上咗去之後點樣發展、保持成績，就算有時藝人冇壓力，公司都會畀壓力，（坤坤自己都好擔心！）我成日覺得邊個攞都冇所謂！樂壇係需要新嘅人上位，我自己上去攞咗兩、三年，我有參與Eason嗰個年代，其實我覺得自己嘅能力係唔夠說服力，但個機會就擺咗喺度，因為佢哋唔攞，佢哋畀機會我哋，唯一要做真係要做到實至名歸，今晚邊個男歌手攞，或者女歌手攞邊個獎項都要做到實至名歸，有時係好難，最難就係自己攞獎都冇信心。」

叫周國賢周柏豪藍奕邦返嚟玩

他點名叫周柏豪、藍奕邦、周國賢要返嚟樂壇玩，軒仔坦言柏豪因唱片合約問題，好多藝人都經歷過這問題，所以冇參賽，他覺得是正常，而周國賢同藍奕邦各自因處理緊自己的狀態，他說：「今晚見佢哋上台呼聲都幾高，佢哋返嚟多啲良性競爭，樂壇就會蓬勃啲，唔會畀人覺得一淡死水。」

做美容備戰

軒仔當年跟側田、吳浩康等人同期出道，他覺得有點可惜，如果當時兩人多放時間在港發展多做音樂，會多一輩，依家好似斷了一輩，慶幸他們這一代，大家之間冇芥蒂，邊個攞獎都開心，所以樂壇氣氛係好。」有指藍奕邦今日在台上好開心，軒仔說：「見到阿邦好容光煥發，有愛情滋潤真係唔同。（你會唔會都公開另一半？）未必，好嘢梗係收埋，自私啲，今日企喺台都好大感觸，望到下面，嗰啲好後生，所以上星期都走去電（Thermage）塊面，電完好痛，幾乎要彈開個醫生，但都要keep，個個都話小鮮肉，追唔番小鮮肉，都追個小臘肉，話晒我都係睇樣，一出道都係走偶像派。」

__________________________

想聽歌？想睇MTV？想了解本地Indie Band資訊

快啲click入「聲大夾樂」專頁： http://on.cc/musicon