2017年娛圈第一單喜事！42歲楊采妮有喜

剛剛踏入2017，娛圈就迎來第一單喜事！現年42歲的女星楊采妮（Charlie）自2013年下嫁邱韶智，定居於新加坡，兩人努力3年終於造人成功，楊采妮現已懷孕5個月，身邊好友均紛紛恭喜，對於各方的祝福，楊采妮當然照單全收，同時向好友表示，佗B的感覺是奇妙及幸福。

其實早前李心潔在微博上載與楊采妮的合照時已見端倪，楊采妮巧妙用枕頭遮肚，當時已引起外界猜測楊采妮是否懷孕。

東網搵到Charlie的經理人，他透露Charlie一知道懷孕就推掉活動、廣告、導演、電影等 工作，問到有冇損失7位數？他表示冇實際去計，一切就以BB為首。問到生之前會唔會公開露面？Charlie經理人說：「睇工作適唔適合身體狀況先決定。」

許茹芸爭做契媽

而Charlie好友許茹芸就回覆東網，她說：「之前倒數冇同Charlie同心潔一齊過，因為自己同老公BIG喺韓國好忙，日後一定會抽空去探Charlie，再去埋馬來西亞探心潔同佢對孖仔，知道Charlie有咗心情充滿興奮，自己又可以再做契媽！」