唔怕跌落山！鄧穎芝行山都玩鋼管舞

歌手鄧穎芝（Vangie）近年狂跑步練氣及操肌，近日又孖好姊妹張紋嘉行山，跳開鋼管舞的Vangie喺山頂見到支鐵柱，竟冒住碌落山嘅危險，即席喺鐵柱上擺出倒頭腿張開嘅高難度動作，相當牙煙，有網民留言直指動作有9.9分，並叮囑她萬事小心！Vangie表示有檢查過鐵柱係咪穩陣，她說：「我就有十足信心先做嗰個動作，同埋條柱唔會郁，其實唔知條柱係咩嚟。」隨即作出呼籲叫大家切忌模仿，Vangie說：「係危險，但我受過訓練，知道安全先做，大家千其唔好學。」

Vangie透露近月與多位好友組行山隊行山，她說：「幾個女仔朋友鍾意咗行山，每個星期都會去行山，但唔好彩次次行山都陰天，終於天公造美畀個藍天我哋，所以影咗好多靚相。」她坦言今次接受挑戰：「今次好大膽，因為鳳凰山唔係易行都行得好辛苦。」Vangie希望以身作則鼓勵身邊人多做運動。