【獨欠桃花運】阿佘爆中過7位數六合彩

藝人佘詩曼在九龍塘出席「廚餘消減活動啟動禮」。訪問時，提到她前晚同好友周家蔚等齊齊拉頭馬，她即指好開心：「仲緊張過自己比賽！因為自己比賽可以掌握到，有啲心水，但隻馬係唔識㗎嘛，好意外！」她更透露贏了四、五位數並打算捐出去，亦表示暫未有做馬主的諗法。問她是否自覺有偏財運，她指自己並非成日賭錢：「喺TVB時就抽中過二、三獎，未試過中頭獎。」更指試過與大班朋友夾份買六合彩，中過七位數字，但不是頭獎：「幾可觀㗎！」

同古天樂拍恐怖片

記者指她正財、偏財運皆有卻獨欠桃花運，她即謂：「唉，唔可以十全十美嘅，我仲有健康嘅！」又謂感情順其自然不可強求。問會否在家中擺桃花兼圍住它行三個圈，她笑謂：「有用㗎咩？」而提到農曆新年將至，她就指月中會與古天樂拍恐怖片，希望完成後可及時陪家人去澳洲旅行。問會否想有艷遇，她笑謂：「冇諗過。係咪真係有㗎？定係電影裏面先會有？（一個人去易啲！）一個人去好孤獨！（搵個外籍男友？）同聲同氣會好啲！」

__________________________

想聽歌？想睇MTV？想了解本地Indie Band資訊

快啲click入「聲大夾樂」專頁： http://on.cc/musicon