讚學友個唱零瑕疵 胡楓捧黎明預扮企鵝

2017年01月06日 20:40
東網電視
更多新聞短片
胡楓大讚學友個唱十分完美,談及即將在2月捧黎明個唱要扮企鵝企喺度睇時,他笑言冇問題。

資深藝人胡楓與Joe Junior在大埔出席剪綵活動。胡楓被問新春可會外遊?他笑言已經有約,胡楓謂:「今年唔去,因為公司已經Book咗我扮財神,我呢幾年都會喺大除夕、年初一喺節目度大派利是,開心事嚟嘅,有啲兒孫都會返嚟陪我過節。」

談到近日契女林憶蓮因為答應參加內地歌唱節目《我是歌手5》,而引來香港Fans批評天后自貶身價。胡楓不表認同,他謂:「我覺得藝術,應該畀更多人欣賞,佢唱得好,應該畀更多人聽到。」

Joe Junior做義工好開心

早前,胡楓欣賞了5、6場張學友演唱會,他大讚之餘,更指契仔自我要求好高,一點瑕疵都不容許:「所以個騷好好睇!」之後,胡楓去捧另一個契仔黎明場,笑言企足全場,似足一隻企鵝都冇問題:「一定要去支持契仔。」

至於Joe Junior則透露今年很開心籌辦樂壇50周年音樂會,同時又會上郵輪演唱,加上有不少商演,今年工作一個接一個,做得非常開心,除了搵銀之外,他亦不忘做義工,感覺帶到歡樂給別人,自己都會更加開心。


__________________________

想聽歌?想睇MTV?想了解本地Indie Band資訊
快啲click入「聲大夾樂」專頁: http://on.cc/musicon