胡定欣大方祝福明心戀：好登對

藝人胡定欣、陳展鵬、陳山聰和鮑起靜等到尖沙咀出席劇集《同盟》煞科宴，定欣在電視城忙於為新劇《深宮計》試造型，幸及時趕到出席晚宴，她說：「今晚等我、展鵬、山聰同姚子羚四個請啦，因為鮑姐（鮑起靜）之前開工成日爭住埋單，請咗好多餐，今日輪到我哋請番佢，我哋講咗，唔會畀機會佢攞錢出嚟！」

問定欣點睇舊愛馬國明被傳與黃心穎撻着，定欣說：「佢哋靚仔靚女好登對！（話你喺網上暗寸心穎拜姻緣石？）點會呀，我都識心穎，係朋友，我祝福佢哋。（佢哋係真拍拖？）未問呀！（同好朋友先後鍾意埋同一個男仔唔尷尬？）唔會，我不嬲都話希望馬明搵到個好女仔！」她似真希望「明心戀」能開花結果！

談到《同》劇煞科，意味與展鵬的情侶檔合作暫時到此為止，定欣說：「同展鵬之後都會各自開劇，各有各忙，不過嚟緊都會一齊出Show嘅。（情侶檔酬勞高啲？）其實唔知㗎，不過好開心《城寨英雄》嚟到2017年，仍然有客戶、觀眾鍾意！」

__________________________

想聽歌？想睇MTV？想了解本地Indie Band資訊

快啲click入「聲大夾樂」專頁： http://on.cc/musicon