第一次嗌好正　鮑起靜揭無綫演員激瘦之謎

藝人鮑起靜出席無綫劇《同盟》煞科宴，談到這個在無綫的第一次，她頻說「好正、好正」，卻搞笑地頭擰擰表示：「拍完真係好唔捨得，初初覺得要拍3個月，點捱呀？但原來眨吓眼就過。（滋味如何？）我依家知點解TVB個個咁瘦，個個都係超人嚟，冇得頂，真係好叻，我就自問不如，好在監製好照顧我。（有冇下次合作機會？）唔可以講冇下次嘅，但第一次真係好驚人，畀咗個咁好機會我，我覺得好幸運，好開心，係好正，好正！（你頭擰擰嘅？）成個戲都好好呀！（下次制定唔制？）睇吓啦，到時先算，好難得有呢班咁好嘅演員，咁好嘅監製！」