宣萱細狗慘被咬爆左耳：成牆都係血！

藝人宣萱出席「人狗同樂百萬行2017」閉幕禮，帶同三隻愛犬現身的她，透露其中兩隻為領養，她謂：「細狗Boom Boom新嚟嗰陣走去兇大狗Scooby，結果Boom Boom左耳被咬到裂開，當時仲啱啱搬新屋，啲血飛到牆都係，即刻叫工人姐姐用紙巾按住Boom Boom傷口，抹完牆就捉Scooby坐低，好似阿媽教女咁同佢講，自此之後就再冇發生呢啲事。」

拍劇整傷手

正忙於拍攝無綫新劇《使徒行者2》的宣萱，表示日前不慎工傷，右手被全石面的咖啡枱壓倒，隨即瘀青兼流血，她謂：「嗰場戲係講我頭痛，但我痛到淨係識攬住隻手，之後即刻打畀跌打師傅，佢叫我熱敷等瘀血散，同埋放血，事發到今日第4日，都散咗啲瘀，終於明白咩叫十指痛歸心，當時攝影師都唔知出咗事，仲讚我戲好㖭！」

想聽歌？想睇MTV？想了解本地Indie Band資訊

快啲click入「聲大夾樂」專頁： http://on.cc/musicon