大膽！胡琳送碟叫鄭丹瑞練聲

《風雲5D音樂劇》兩位演員胡琳和鄭丹瑞聯同馬榮成、陳淑芬出席屯門市廣場《風雲盛世賀新禧》開幕禮，現場設有多個人物造型，場景及紀念品發售。音樂劇中飾演楚楚的胡琳，演唱劇中歌曲《天意弄人》，另外更有舞麒麟及亮燈儀式。至於劇中演文丑丑的鄭丹瑞（阿旦）表示收到胡琳送的一份新年禮物，就是有一隻練習聲音的DVD，他笑言：「死唔死，叫我練聲。」在旁的胡琳一臉尷尬解晝：「你係神級，要用人類用嘅練習工具練聲啫。」

有心跳加速感覺

兩人活動後接受訪問，講到阿旦收胡琳送的DVD？他笑言：「我哋圍讀過一次，可能聽到我唱歌，所以就送一隻DVD畀我練聲。」胡琳說：「我自己都係呢隻碟練，好多唔同Level嘅歌手都有用㗎。」排舞方面，阿旦稱排到如火如荼，風同雲（即係「聶風」謝天華，「步驚雲」鄭嘉穎）佢哋各自都排咗自己嘅部份，劇入面有廿幾三十首歌，所以農曆新年後，大家就會正式總綵排。」胡琳表示看到風雲出場場面，令她有心跳加速的感覺。問到阿旦無令胡琳有心加速跳感覺？阿旦即抵死說：「等我仲叫佢哋幫楚楚度一啲好嘅出場位。」胡琳即言：「相信好多觀眾都想睇阿旦跳舞同唱歌。」

__________________________

想聽歌？想睇MTV？想了解本地Indie Band資訊

快啲click入「聲大夾樂」專頁： http://on.cc/musicon