【姐就是霸氣】小S買餸豪邁踎地

台灣女星小S（徐熙娣）出名幽默，經常話自己係國際巨星，近期佢仲化身做「國際廚娘」，趁唔使工作就下廚煮幾味畀三個女嘆吓，有時仲拍埋片上網公諸同好，最抵死係佢不時喺網上面向其他人挑機廚藝。

呢日小S又下廚癮發作，佢去咗超市買食材，仲將買餸嘅相放上網，留言話：「今天又要來當家庭煮婦！專注的找食材，熱情的煮菜，放鬆的喝酒，嚴厲的逼問女兒好不好吃！大概就是我最近的生活了，竟然還有看韓劇⋯⋯⋯⋯我愛孔劉！天啊，我需要工作！！！」佢仲買到踎喺度，相當豪邁！