藝人黃又南出席CMN陀飛輪腕表發布暨全球卓越品牌香港獲獎發布儀式，他表示剛從杭州拍電影回港，聖誕節都在當地度過，並開心謂電影已煞科，續說：「得我一個香港演員，佢哋全部都係90後，可能我個樣呃到吓人，佢哋估我25歲。（有冇沾沾自喜？）我同助手講同後生仔女拍戲個人都後生啲，我覺得做呢行年紀大，心態仍然會細個啲，會同潮流掛勾，唔會脫節。」又指電影是一部穿梭片，當中會大講愛情及親情。

新年同家人過

又南續開心表示拿到品牌獎項，感謝「港產陀飛輪」萬希泉創辦人沈慧林（William）的推薦提名，並透露自己有做汽車零件品牌，及與萬希泉合作的陀飛輪即將於兩、三個月內推出，故十分期待！至於新年則會有假期跟家人度過。

聖誕開騷

問到2017年有何大計？又南表示今年是其與徐天佑組合Shine出道15周年，希望年尾可於紅館開演唱會：「我哋已經遞咗紙，依家等緊消息，希望可以喺聖誕檔期開，等緊紅館覆有冇期，我同天佑已經都ready。（會開幾場？）希望24、25、26號開得成，最少三場，不過開到已經好開心。」

__________________________

想聽歌？想睇MTV？想了解本地Indie Band資訊

快啲click入「聲大夾樂」專頁： http://on.cc/musicon