名人：何超蓮周董紅館合唱　吳業坤葡萄

台灣天王周杰倫於紅館舉行的《周杰倫地表最強世界巡迴演唱會─香港站》，每晚都吸引不少名人明星到場欣賞，而身為賭王何鴻燊三房千金的何超蓮，昨晚偕同家姐何超雲及形象指導好友馬天佑齊齊朝聖。每場周董都會臨場揀選現場觀眾一起唱歌，今晚超蓮成為幸運兒，被周董點中喺紅館獻唱！

首度在紅館「開騷」獻唱的超蓮認真厲害，雖然「首踏紅館」在超過一萬名觀眾面前大唱周董的冧歌《甜甜的》，只在初時因太吃驚而一度表現怕醜外，之後很快進入狀態，全程冇甩嘴！歌喉不錯的超蓮，仲配合埋歌詞，唱每一粒音都會見到超蓮甜到漏咁笑！

今日凌晨超蓮在社交網站分享今次「處女騷」的片段，並留言：「腦中一邊空白⋯我的天啊我也太丟臉了吧。2017年才剛開始就發生了這一輩子最難為情的事情⋯這一輩子也不會忘的甜甜的。」事後當然不少得到後台集郵，超蓮其後再分享與周董的合照，又Tag「昨天是驚嚇今天覺得太幸運」，她留言：「小迷妹回到現實了～～～雖然內心還在飄～～～幸福的一場演唱會！畢生難忘哈哈哈???」

大批網民紛紛留言力讚超蓮唱得不錯，更說她成為幸運兒被點中感到羨慕，仲留言話：「如果你做歌手咪可以同阿Gem（G.E.M.）合唱？」好似幾有諗頭喎！個個讚到天上有地下無，大批「蓮粉」支持唱好，唔知超蓮會唔會考慮吓轉行做歌手呢？

昨晚無綫小花黃心穎同歌手吳業坤等都有去睇騷，騷後更去後台同周董集郵，而冇被周董點中唱歌的坤坤，喺IG擺明葡萄，話好想同周杰倫合唱呀！

__________________________

想聽歌？想睇MTV？想了解本地Indie Band資訊

快啲click入「聲大夾樂」專頁： http://on.cc/musicon