陳錦鴻9歲仔仔走出自閉症 仲識溝女!
藝人陳錦鴻出席為特殊教育需要的兒童家長,而設的網站擔任啟動禮嘉賓。錦鴻回應東網記者稱向家長們分享了二十分鐘,重點是令家長要尊重小朋友意願,個人情緒都要長時間保持在平和心態,才會容易令小朋友易適應。
幫仔仔備情人節禮物
錦鴻九歲兒子陳駕樺自小患自閉症,經錦鴻悉心教導下兒子漸與一般兒童無異,並可入讀正常小學,目前讀小四的陳駕樺,原來已開始對異性產生興趣,錦鴻謂:「佢嘅理想對象模樣係好似佢媽媽咁囉,仲話會結婚後生一個仔,改埋名叫陳小虎,我仲幫佢準備埋情人節禮物㖭,係一隻熊公仔!(點向兒子解釋養妻活兒?)我會講做爸爸要工作,就係為咗要養妻活兒,仲教佢一句成語『餓死老婆瘟臭屋!』等佢明白,想做爸爸、娶老婆、生仔等生活,就要畀心機讀書,之後努力工作,我就係要做兒子一個榜樣。」
__________________________
想聽歌?想睇MTV?想了解本地Indie Band資訊
快啲click入「聲大夾樂」專頁: http://on.cc/musicon