王菀之自爆有心臟病　粉絲心痛嗌佢唔好博

歌手王菀之（Ivana）近日忙於嚟緊二月中同好友張敬軒嘅紅館演唱會，尋日仲喺社交網站自爆患有心臟病，又話過去半年要做復康療程，雖然依家已經逐漸康復，可以跳番舞同做其它訓練，但又因為訓練過度搞到肌肉受傷，令唔少粉絲都為佢擔心呀。

唔知道喺咪因為想令到粉絲放心，今日Ivana就喺社交網站上分享咗個人照，佢就話：「開緊演唱會會，俾（畀）人發現咗我...喺度欣賞緊自己個背囊 ~」相中見到佢都好精神，仲識得講笑，咁都令人放心啲！不過唔少網民都紛紛留言話佢瘦咗，塊面削晒，叫佢要小心身體唔好咁博呀！聽到嘛Ivana？