獲戲迷讚靚仔!陳寶珠恨演花旦:唔使紮胸
藝人陳寶珠於鑽石山出席個人畫冊簽名會,引來半百粉絲到場支持。寶珠透露早前推出限量一千本的精裝本已經賣光,她笑言渴望再加印:「再版再再版!(再出第二本書?)唔會,寫晒喇!(收埋其他珍藏泳衣照?)我係得咁多張咋!」
談到新年安排?寶珠就言初一會帶定糖果及冬菇到白雪仙屋企拜年,新年期間都會留港度過,囝囝楊天經亦會陪伴在側。寶珠被問到有否送書給白雪仙?她笑說:「我送咗,聽講佢睇咗。但我唔敢問意見,佢唔答我心唔舒服,佢答又唔知會問我咩。」
盛讚戲迷夠忠心
而素來以小生扮相而為人喜愛的寶珠於現場被粉絲大讚靚仔,她笑言恨演花旦:「我扮男仔好啲,做女仔角色就未夠溫柔。做戲就要嗲同女人味,我從來唔識嗲人。我好恨演女仔,可以黐眼睫毛,唔使紮胸,可以扮靚。(扮男仔入戲啲?)粉絲多數鍾意我做男仔,女仔扮男仔令我有味道。」她又盛讚戲迷忠心,指曾有戲迷為了送自己上機,而於其寓所外等通宵:「佢哋好勁,佢哋想送我去機場,去我樓下問看更借位瞓,更整張假囍帖同家人講去做姊妹,其實係想等我同送我機。」